Sami Khedira pranon se nuk do të luajë edhe shumë kohë të gjatë në Evropë, por para se të largohet ai synon të fitojë Ligën e Kampionëve me Juventusin.

Më pas ai planifikon që ta vazhdojë karrierën në kampionatin amerikan Major Soccer League.

“Duhet patjetër që ta fitojmë Ligën e Kampionëve me Juven”, ka thënë 29-vjeçari për La Repubblica. “Ky duhet të jetë sezoni i duhur”.

“Për të fituar në Evropë nevojitet stabilitet, formë e mirë dhe fat, pra një kombinim i të gjithë këtyre faktorëve”, ka shtuar ai.

“Ne kemi kualitetin e duhur e po ashtu edhe dëshirën e madhe për të sakrifikuar për këtë ekip”.

“Unë do të luaj në Amerikë, por nuk e kam në plan që menjëherë të transferohem atje, pasi që dua të qëndroj edhe për disa vite në nivelet më të larta të futbollit”, ka përfunduar 29-vjeçari.

Khedira është transferuar te Juve stinorin e shkuar nga Real Madridi.