Ad Banner
Ad Banner
Ad Banner
Ad Banner

Rrahmani lëndohet sërish, do t’i mungojë Kosovës për sfidat e tetorit

13:28 | 28 Shtator 2025
E.G

Qendërmbrojtësi i Napolit dhe kapiteni i Kombëtares së Kosovës, Amir Rrahmani, ka pësuar një tjetër lëndim dhe do të mungojë në ndeshjet e tetorit me kombëtaren dardane.

Sipas “Corriere del Mezzogiorno”, Rrahmani është lënduar gjatë stërvitjes së fundit, duke bërë që të humbasë ndeshjet e Napolit ndaj Milanit, Sporting Lisbonës dhe Genoas.

Në radhët e Kosovës, mungesa e tij do të ndihet në duelet kundër Sllovenisë dhe Suedisë. Parashikimet e para flasin për një rikthim të mundshëm më 18 tetor, në ndeshjen e Napolit ndaj Torinos.

Kujtojmë se Rrahmani sapo ishte kthyer në stërvitje pas një lëndimi të mëparshëm, të pësuar në ndeshjen e Kosovës kundër Zvicrës më 5 shtator.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm