Real Madridi është ekspertë për të fituar finalet nën udhëheqjen e trajnerit Zinedine Zidane, gjë të cilën e vërtetuan edhe UEFA Superkupë kundër Manchester United.

Pas Sevillas vitin e kaluar, Manchester United i Jose Mourinhos ishte viktima tjetër e ‘Los Blancos’ që siguroi një tjetër trofeu në UEFA Superkupë, shkruan portali arbresh.info.

Skuadra fituese e Ligës së Kampionëve e trajnerit francez regjistroi fitore me rezultat 2 me 1 ndaj fituesit të Evropa Ligës në finalen e zhvilluar në stadiumin Philipp Arena II në Shkup të Maqedonisë. Casemiro dërgoi gjigantin spanjoll në epërsi në minutën e 24′ të ndeshjes pas një harkimi të bukur nga Dani Carvajal. Pjesa e parë e ndeshjes përfundoi me rezultat 1 me 0.

Sidoqoftë, madrilenët dyfishuan epërsinë vetëm shtatë minuta pas fillimit të pjesës së dytë. Sulmuesi spanjoll Isco realizoi për 2 me 0 pas asistimit nga Gareth Bale, i cili është shënjestër për transferim e Jose Mourinhos.

Romelu Lukaku ngushtoi epërsinë në 2 me 1 në minutën e 62′, por minutat e mbetur nuk ishin të mjaftueshëm për “Djajtë e Kuq” për të sjell ndonjë ndryshim befasues ndonëse Marcus Rashford kishte një mundësi të artë në 10 minutat e fundit të kohës së rregullt.

Pas Jose Mourinhos, protagonisti tjetër kryesor i kësaj shfaqje, Cristiano Ronaldo, u inkuadrua në fushë në minutën e 83′ si zëvendësues i Karim Benzemas në përballjen kundër ish skuadrës së tij angleze.

Tani, Real Madridi ka siguruar katër Super Kupa të Evropës, një më pak se Barcelona dhe AC Milani./arbresh.info

https://streamable.com/xjf9z

https://streamable.com/7zjxh

https://streamable.com/4duk3