Real Madridi ka fituar 3:0 në fushën e Deportivos, duke e nisur La Liga-n me këmbë të mbarë.

Trajneri Zinedine Zidane është shprehur i lumtur pas suksesit të radhës, duke përgazuar grupin e lojtarëve që ka në dispozicion: “Luajtëm mirë një ndeshje të plotë. Hera-herës na u desh të vuanim, por e kemi kontrolluar lojën shumë mirë.

Natyrisht, mund të gjesh edhe gjëra të këqija, por përmbajtja ka qenë përgjithësisht shumë e mirë. Goli i dytë, me më shumë se 40 prekje? Kjo është ajo që ne dimë të bëjmë, sepse kemi lojtarë për të. Ne punojmë në stërvitje. Jam i lumtur me këtë fillim, por na mbetet ende shumë për të bërë. Ta fillosh kështu kampionatin dhe kundër një rivali që nuk është i lehtë është gjëja më e mirë. Afati kalimtar? Unë dua të kem në dispozicion këtë grup lojtarësh, shpresojmë të mos bëjmë asnjë ndryshim deri më 31 gusht, sepse çdo gjë mund të ndodhë”.