Milot Rashica do të rikthehet në skuadrën e Werder Bremen për ndeshjen e kësaj fundjave për herë të parë pas gati dy muajve, pasi është riaftësuar plotësisht nga lëndimi i kofshës.

Sulmuesi i Kombëtares së Kosovës Rashica – i cili ishte buzë kalimit në Bayer Leverkusen në çastet e fundit të afatit kalimtar të verës së kaluar – e lëndoi muskulin e kofshës më 1 dhjetor në një seancë stërvitore me Werderin.

Ai u rikthye në stërvitje në fillim të këtij muaji dhe tani duket i gatshëm për të luajtur, ka konfirmuar shefit i Werderit për Futbollin Profesionist dhe Vëzhgimin e Talenteve, Clemens Fritz.

“Miloti është kandidat për të luajtur kundër Augsburgut”, tha Fritz

“Ne jemi të lumtur se ai është shënosh e mirë përsëri dhe se ai mund të stërvit. Shpresojmë se ai do t’i kthejë cilësitë e veta në fushë sa më shpejt”, shtoi ai.

Sulmuesi vushtrrias ka vuajtur shumë nga lëndimet këtë sezon, të cilat ia kanë kufizuar në vetëm pesë numrin e paraqitjeve për Werderin deri tani.

Ai mungoi në fillim të sezonit shkaku i lëndimit të gjurit dhe më vonë si pasojë e dëmtimit muskulor.

Rashica e kishte lënduar kofshën gjatë një dueli në një ndeshje përgatitore në ushtrimet e 1 dhjetorit.

Ylli kosovar ishte larguar nga stërvitja me makinën e stafit mjekësor të skuadrës gjermane. /Gazeta Express/