Ad Banner
Ad Banner
Ad Banner
Ad Banner

PSG vendos rekord historik në Ligue 1 nën drejtimin e Luis Enriques

10:10 | 23 Nëntor 2025
H.E

Me tre golat e shënuar kundër Le Havre të shtunën mbrëma, Paris Saint-Germain ka arritur shifrën e 200 golave në Ligue 1 që nga ardhja e Luis Enriques, dhe këtë e ka bërë në vetëm 81 ndeshje.

Sipas statistikave të publikuara nga vetë klubi, kjo arritje është të paktën 41 gola më shumë se çdo trajner tjetër i PSG-së në kampionat për të njëjtën periudhë kohore.

Ky rekord tregon qartë për fuqinë sulmuese të parisienëve dhe për transformimin që Enrique i ka sjellë skuadrës, duke e shndërruar në një nga makineritë më produktive të golit në Evropë.

Pas 13 xhirove në Ligue 1, PSG është lider i kampionatit me 30 pikë, dy më shumë se Marseille.

Ndërkohë këtë edicion skuadra e Luis Enriques ka realizuar 27 gola në Ligue 1, por që nuk është sulmi më i mirë në kampionat, pasi atë e mbanë Marseille me 33 gola të shënuar. /Telegrafi/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm