Ish-sulmuesi i Barcelonës,Pedro ka zbuluar një histori interesante që kishte pas një konfrontimi që pati me ish-yllin e Real Madridit, Cristiano Ronaldo.

Më 29 nëntor 2010, Barcelona e mposhti Real Madridin 5-0 në ndeshjen e parë El Clasico të trajnerit Jose Mourinho.

Pas gjysmë ore lojë, me rezultatin 2-0, topi doli jashtë vijave anësore dhe mysafirëve të Realit iu dha rivënia anësore.

Trajneri Pep Guardiola kapi topin dhe ia ofroi Cristiano Ronaldos, por kur portugezi iu afrua, trajneri i Barcelonës e hodhi në tokë.

Ish-sulmuesi i Real Madridit e shtyu Guardiolën dhe atëherë gjërat u shëmtuan kur disa lojtarë u bashkuan dhe u krijua një tollovi e madhe.

Andres Iniesta, Victor Valdes dhe Pedro Rodriguez u përballën me Ronaldon, i cili iu drejtua këtij të fundit për ta pyetur me ironi se kush ishte.

“Unë jam një kampion bote. Po ti?”, ishte përgjigja e Pedros kundrejt Ronaldos. /Telegrafi/