Mesfushori spanjoll Pedri ka hyrë zyrtarisht në librat e historisë së Barcelonës, duke thyer një rekord të vjetër që mbahej nga legjenda Lionel Messi.

Ylli i ri arriti një moment të jashtëzakonshëm në fitoren 2-1 ndaj Osasunas, shkruan Arbresh.info.

Ai regjistroi startin e tij të 200-të me fanellën blaugrana në moshën vetëm 23 vjeç e 159 ditë, duke u bërë lojtari më i ri në historinë e klubit që arrin këtë shifër. Ai theu kështu rekordin e mëparshëm të vendosur nga Messi (23 vjeç e 227 ditë), si dhe atë të ikonës tjetër të klubit, Xavi Hernández.

Qëndrueshmëria dhe niveli i lartë i Pedrit janë edhe më mbresëlënëse duke marrë parasysh konkurrencën në mesfushë, ku bëjnë pjesë emra si Gavi. Trajneri Flick e konsideron atë si shtyllë kyçe të sistemit të tij, duke e bërë thuajse të pamundur funksionimin e ekipit pa kreativitetin dhe inteligjencën e tij në lojë.

Megjithatë, rekordi i Pedrit mund të vihet në rrezik në të ardhmen, pasi talentet e rinj si Lamine Yamal dhe Pau Cubarsí po shpërthejnë me ritme të shpejta dhe pritet të jenë protagonistë të brezit të ri të Barcelonës.

Sa i përket këtij sezoni, Pedri ka qenë një nga lojtarët më të rëndësishëm të ekipit. Ai ka zhvilluar 26 ndeshje në La Liga, duke kontribuar me 2 gola dhe 8 asistime.

Roli i tij në mesfushë ka qenë vendimtar për dominimin e Barcelonës, e cila aktualisht kryeson kampionatin me 14 pikë diferencë, vetëm katër javë para përfundimit të sezonit./Arbresh.info