Pas largimit të Sampaolit, Argjentina do të drejtohet nga dy ish-futbollistë

18:27 | 2 Gusht 2018
Arbresh.info

Mund të vijë shumë shpejt një e re e madhe për sa i përket stolit të kombëtares së Argjentinës, që ka mbetur bosh pas largimit të Jorge Sampaoli.

Ashtu si bën të ditur “Radio Continental”, Federata Argjentinase e Futbollit, nuk ka ndërmend të nxitohet për emërimin e “strategut” të ri, kësisoj për katër muajt e ardhshëm ekipi do t’i besohet dy ish-futbollistëve “çelestë”, që kanë ndërmarrë një karrierë te re si trajnerët, Pablo Aimar dhe Lionel Scaloni.

Më pas, në janar 2019 do të nisë gjuetia për emrin e madh që duhet të marrë timonin e Argjentinës pas dështimit në “Rusi 2018”.

Endrra e madhe quhet Pochettino, por ka të ngjarë që të mbetet vetëm e tillë…