Në krye me Muriqin, Mallorca arrin fitore të madhe në luftën për mbijetesë

18:13 | 12 Prill 2026
D.H

Mallorca e Vedat Muriqit ka shënuar një fitore me rezultat 3-0 ndaj Rayo Vallecanos në kuadër të xhiros së 31-të në La Liga.

Sulmuesi kosovar ka qenë vendimtar në fitoren e skuadrës së tij, duke shënuar dy herë, shkruan Arbresh.info.

“Pirati” fillimisht realizoi në minutën e 36-të. Teksa katër minuta më vonë shënoi për 2-0.

Me këta dy gola ai u bë golashënuesi më i mirë në histori të Mallorcas në La Liga me 55 gola. Ai tashmë këtë sezon ka 21 gola dhe është vetëm dy gola larg Kylian Mbappes i cili prinë në listën e golashënuesve.

Golin për ta vulosur fitoren 3-0 e shënoi Vrgili në minutën e 65-të. Me këtë fitore Mallorca tashmë ka 34 pikë dhe është larguar nga zona e rrezikshme e cila të dërgon një kategori më poshtë.

Ndeshjen e radhës Mallorca e luan ndaj Valencias një tjetër skuadër e cila po lufton për mbijetesë në La Liga këtë sezon./Arbresh.info