Milan raportohet se ka zhvilluar një takim me agjentin e Robert Lewandowski, Pini Zahavi, për të eksploruar mundësinë e transferimit të sulmuesit të Barcelonës në janar.

‘Rossonerët’ po prioritizojnë huazimin ose blerjen e një sulmuesi në afatin dimëror për të zgjidhur probleme me realizimin dhe për të forcuar sulmin, çfarë do të jetë thelbësore për betejën e tyre për titullin në Serie A këtë sezon.

Lewandowski është gjithashtu në një të ardhme të paqartë te Barcelona, pasi kontrata e tij skadon në fund të sezonit.

Megjithatë, largimi në janar duket më pak i mundshëm për momentin.

Barcelona mbetet e mendimit që sulmuesi polak shërben si lideri i sulmit të skuadrës, ndërsa 37-vjeçari është i etur të ndihmojë gjigantët katalanas që të konkurrojnë në të gjitha frontet këtë sezon.

Duke qenë se klubi ka pësuar shumë mungesa për shkak të dëmtimeve, është e paqartë nëse do të pranojë të largojë figurat kryesore në këtë moment kritik të sezonit./Telegrafi/