Arsenali duket se do të jetë në mungesë të mesfushorit gjerman Mesut Ozil në ndeshjen kundër West Hamit pasi lojtari mungoi në stërvitjen e së premtes për shkak se ishte i sëmurë.

29-vjeçari pritet të qëndrojë jashtë linjave dhe Aaron Ramsey, i cili ende nuk ka nënshkruar kontratë të re me “Topçinjtë”, pritet të siguroj një rol startues në vend të tij, transmeton portali arbresh.info.

Ozil ishte larguar në pjesën e dytë gjatë disfatës 3 me 2 ndaj Chelseat vikendin e kaluar dhe kështu trajneri Unai Emery ka filluar detyrën e tij me dy humbje radhazi, por synon tri pikët e para në takimin ndaj “Hammers”.

Gjermani u largua në minutën e 68′ të disfatës ndaj “Bluve”.

Pas disfatës në takimin e parë ndaj Liverpoolit dhe vikendin e kaluar në shtëpi ndaj Bournemouthit, West Hami po ashtu është në kërkim të fitores së parë nën menaxhmentin e ri.

Takimi mes dy skuadra fillon nga ora 16:00./arbresh.info/