Google ADS

McGregor s’është luftëtar i nivelit të lartë dhe i pëlqen droga, thotë menaxheri i Khabibit

13:24 | 4 Gusht 2021
.

Ali Abdelaziz, menaxheri i Khabib Nurmagomedovit, e ka kritikuar ashpër Conor McGregorin, duke e akuzuar për përdorimin e drogës madje.

Javët e fundit kanë qenë goxha të ngjeshura për luftëtarin irlandez, i cili u mposht nga Dustin Poirier, e theu këmbën dhe la të kuptohet se do të ketë të ardhme në UFC pavarësisht lëndimit serioz.

Megjithëse e paralajmëroi rikthimin, Abdelaziz, menaxheri i rivalit të tij të madh, e ka kritikuar irlandezin të martën.

“Conori nuk është madje as luftëtari i nivelit të lartë, atij i pëlqen droga”, tha Abdelaziz për ESNews.

“Ai duhet të shkojë në rehabilitim dhe ta rregullojë jetën e vet. Ai nuk duhet të luftojë”, shtoi ai.

Ish-kampioni i UFC-së është rrethuar me polemika për një kohë të gjatë, por jo më shumë se Nurmagomedov, me të cilin McGregor qeshi kur i vdiq babai.

Pas dy disfatave radhazi, rikthimi i McGregorit mund të mos jetë edhe aq i lehtë. /GE/

 

 

Të ngjashme