KF Llapi po vazhdon që të investojë në skuadrën e tyre të re, derisa sot ka njoftuar se zyrtarisht ka blinduar yjet e vet edhe për një vjet

Mentor Zhdrella, Bujar Idrizi dhe Valmir Veliu janë lojtarët që janë blinduar nga skuadra e Llapit me kontrata të reja.

Derisa për një vit kanë vazhduar me skuadrën Mentor Zhdrella që është kapiten i skuadrës, me Llapin ka vazhduar edhe zëvendës kapiteni Bujar Idrizi po ashtu për një vit.

Kurse Valmir Veliu ka nënshkruar kontratë tri vjeçare me klubin llapjan.

“Sot kemi arritur marrëveshje 1 vjeçare me kapitenin Mentor Zhdrella dhe zëvendëskapitenin Bujar Idrizi. Të dy futbollistët i qëndruan besnik skuadrës edhe për edicionin e ri. Zhdrella ishte ndër futbollistët më të mirë të skuadrës në edicionin që lamë pas duke ndihmuar skuadrën me 5 gola dhe 9 asistime në 24 paraqitje të zhvilluara, kurse Bujar Idrizi i rikuperuar plotësisht nga lëndimi i edicionit të kaluar, zhvilloi 8 paraqitje, kurse do jetë i gatshëm 100% që ta ndihmoj skuadrën në edicionin e ri”, shkruan në komunikatën e Llapit.

“Kurse gjatë ditës së sotme, sulmuesi 20 vjeç i krahut të majtë Valmir Veliu është blinduar me kontratë edhe për 3 vitet e ardhshme dhe kësisoj Veliu do jetë pjesë e skuadrës deri në momentin kur arrin ndonjë ofertë serioze e klubeve evropiane. Veliu në 27 paraqitje të edicionit të sa po mbyllur realizoi 4 gola e 5 asistime, kurse presim të ketë formë të mirë dhe të na ndihmoj edhe më tepër në edicionin e ri”, thuhet në fund të njoftimit.