Liverpooli shënoi fitore ndaj Southamptonit me rezultat 2-1 në kuadër të Carabao Cup, të martën mbrëma, por mori një lajm të keq pasi futbollisti i ri, Giovanni Leoni pësoi lëndim.

Pas ekzaminimeve mjekësore, qendërmbrojtësi i ri doli se ka këputur ligamentin, shkruan Arbresh.info.

Ai përmes një postimi në rrjetin social Instagram, reagoi ku theksoi do të bëj çmos se do kthehet sa më shpejt të jetë e mundur.

“Dua të falënderoj sinqerisht çdo person që më ka mbështetur gjatë kësaj kohe të vështirë”, shkroi 18-vjeçari italian në Instagram.

“Nuk ishte debutimi që kam ëndërruar gjithmonë, por do të bëj çmos që të kthehem të luaj në këtë stadium magjik sa më shpejt të jetë e mundur. Faleminderit shumë”.

Liverpooli ka nisur sezonin në mënyrë mbresëlënëse ku pas shtatë ndeshjeve ka po aq fitore, dhe po prinë në tabelën e Premier Leagues me pesë pikë para Arsenalit./Arbresh.info