Majlinda Kelmendi e nisi rrugëtimin e saj për t’u bërë ambasadorja më e mirë e Kosovës menjëherë pas luftës, siç e dëshmon edhe një fotografi e saj me trajnerin Driton Kuka, i cili e ka shoqëruar atë gjatë rrugëtimit të bujshëm 19-vjeçar.

Majlinda, e udhëhequr nga Driton Kuka, e ka përfaqësuar Kosovën në disa prej ngjarjeve më të mëdha sportive në mënyrën më të përkryer të mundshme, duke e fituar titullin e merituar “ambasadorja më e mirë e vendit” dhe “Majlinda e artë”, shkruan Gazeta Express.

Një fotografi e publikuar së fundmi, shfaq Majlindën 9-vjeçare të veshur në uniformë të xhudos dhe duke u mbajtur në duar nga Kuka.

Majlinda Kelmendi dhe Driton Kuka në vitin 2000

28-vjeçarja ai solli Kosovës medaljen e partë të artë olimpike. Ajo u bë sportistja e parë në histori të vendit që fiton medalje duke e rrëmbyer medaljen e artë në Lojërat Olimpike Rio 2016 në Brazil.

Majlinda u fut në histori të Kosovës përsëri këtë të shtune, duke ia fituar vendit medaljen e parë të artë në Lojërat Evropiane Minks 2019 në Bjellorusi.

Për më tepër, ajo është dy herë kampione e botës në xhudo (2013,2014). Ndërsa tri herë kampione evropiane në xhudo (2014,2016 dhe 2017).

Në karrierën e saj të bujshme, Majlinda i ka fituar 27 medalje të arta, gjashtë të argjendta, gjashtë të bronzta dhe 22 të tjera, apo 61 në total.