Bayern Munich është shpallur kampion i Bundesliga për edicionin 2025/26, pas fitores së sotme ndaj Stuttgartit me rezultat 4-2.

Ndeshja nisi më mirë për mysafirët të cilët realizuan të parët me Fuhrich në minutën e 21-të, shkruan Arbresh.info.

Por vetëm dhjetë minuta më vonë, Guerreiro barazoi rezultatin në 1-1.

Dy minuta pas këtij goli, Jackson shënoi për 2-1 pas një asistimi nga Diaz. Kolumbiani asistoi edhe në golin e tretë të shënuar nga Davies në minutën e 37-të.

Kurse për 4-1 u përkujdes Harry Kane në minutën e 52-të.

Deri në fund Stuttgarti realizoi golin e dytë me anë të Andres në minutën e 59-të.

Me këtë triumf, Bayern shkon në kuotën e 79 pikëve, 15 më shumë se ndjekësi i parë Dortmundi, kur kanë mbetur edhe katër xhiro deri në fund, dhe kështu e siguron titullin kampion në Gjermani.

Për bavarezët ky është trofeu i 35 në histori të klubit./Arbresh.info