Real Madridi ka shënuar fitore si mysafir ndaj Real Valladolid me rezultat 2-0 në kuadër të javës së 15-të.

Mbretërit e nisën shumë mirë takimin duke krijuar disa raste para portës së Real Valladolid.

Marco Asesion, Vinicius Junior dhe Karim Benzema kishin raste të mira, por nuk mund të qëllonin.

Vendasit kishin rastin e parë me Alvaro Aguado në fundin e pjesës së parë, por gola nuk kishte, shkruan telegrafi.

Pjesa e dytë nuk dhuroi shumë, por në fund u bë interesante, kur Real Madridi fitoi penallti.

Zhvillohej minuta e 83-të, kur Karim Benzema shënoi nga pika e bardhë për 1-0.

Në minutën e 89-të, erdhi edhe goli i dytë nga fituesi i ‘Topit të Artë’, që shënoi pas asistimit të Eduardo Camavingas për 2-0.

Me këtë fitore Real Madridi mori përkohësisht pozitën e parë me 38 pikë, një më shumë se Barcelona.