Ish-presidenti i FIFA-s Sepp Blatter ishte në komë për më shumë se një javë

09:27 | 22 Janar 2021

Ish-presidenti i FIFA-s, Sepp Blatter ishte në komë artificiale për më shumë se një javë, por sipas vajzës së tij, ai tani ka dalë nga kujdesi intensiv, dhe eshte ne gjendje më të dëshirueshme, transmeton Arbresh.info

84-vjeçari doli pozitiv me Covid-19 në nëntor të vitit të kaluar dhe me sa duket i mbijetoi mirë virusit. Sidoqoftë, gjendja e tij u përkeqësua pas një operacioni në zemër në dhjetor.

“Ai po bën përparim çdo ditë. Përparim i vogël, por i vazhdueshëm. Se ai ishte në gjendje të largohej nga njësia e kujdesit intensiv është një shenjë shumë e rëndësishme psikologjike. Mjekët janë të kënaqur me gjendjen e tij. Por rruga e kthimit është ende një rrugë e gjatë” – tregoi vajza e tij, Corinne Blatter Andenmatten.

Blatter ishte president i FIFA-s nga viti 1998 e deri në 2015.

Ai aktualisht po vuan një ndalim gjashtë-vjeçar për të marrë pjesë në aktivitetet e FIFA-s./Arbresh.info/

Shpërndaje në rrjete sociale

Lajmet më të lexuara