Ibrahimovic: Do të jem vendimtar për Suedinë

17:16 | 22 Mars 2021

Sulmuesi i Milanit, Zlatan Ibrahimovic tha se ai i ka premtuar trajnerit të Suedisë, Janne Andersson se ai do të jetë vendimtar për Suedinë.

39-vjeçari kthehet për Suedinë këtë muaj dhe nënvizoi se ai kapërmirësuar raportet me trajnerin dhe është i përgatitur të kontribuojë për ekipin kombëtar.

“Ne u takuam për herë të parë, vetëm në një dhomë dhe folëm për gjithçka,” tha Ibrahimovic në një konferencë shtypi.

“Ishte një takim pozitiv ku u përballëm me njëri-tjetrin dhe, në fund të fundit, ne zgjodhëm atë që ishte më e mira për Suedinë. Ne të dy e dimë se çfarë është më e mira për ekipin kombëtar dhe sot unë jam ulur këtu para jush. Nëse jam këtu, nuk është për shkak se unë quhem Zlatan Ibrahimovic, por sepse unë meritoj të jem këtu. Gjithçka që kam bërë më parë nuk do të thotë asgjë. Ndihem në formë, dua të përfshihem dhe ndihem se akoma mund të kontribuoj për ekipin kombëtar” tha ai

“Unë jam vetëm një pjesë e enigmës,” vazhdoi Ibra. “Nëse më pyet, unë jam më i miri në botë, por kjo nuk ndihmon këtu.

“Unë thjesht dua të vendos përvojën time në dispozicion të ekipit dhe i premtova trajnerit se do të jem vendimtar, por tani duhet ta dëshmoj atë në fushë” – theksoi sulmuesi i Milanit.

Suedia përballet me Gjeorgjinë dhe Kosovën në Grupin B të kualifikimeve të Kupës së Botës këtë muaj dhe përfundojnë pushimin ndërkombëtar me një miqësore kundër Estonisë më 31 mars. /Gazeta Express/

Shpërndaje në rrjete sociale

Lajmet më të lexuara