Szymon Marciniak ka mohuar të ketë bërë ndonjë koment publik pas gjysmëfinales së Ligës së Kampionëve midis Interit dhe Barcelonës.

Gjyqtari polak u akuzua dhe kritikua nga lojtarët dhe trajneri Barcelonës pas ndeshjes kundër Interit, për vendime në favor të klubit italian.

Dje (e mërkurë), një ditë pas ndeshjes së dytë gjysmëfinale, u raportua në disa media se Marciniak iu përgjigj kritikave.

Raportet pohuan se Marciniak i kishte quajtur reagimet e lojtarëve “qesharake” dhe “budallallëqe”.

Citimet u botuan nga mediumi egjiptian Al-Qahera dhe u shpërndanë gjerësisht në internet.

Megjithatë, gjyqtari polak tani ka thënë se nuk ka dhënë kurrë një intervistë.

“Deklaratat e publikuara nga mediat egjiptiane dhe spanjolle, të cilat u përhapën në mediat sociale, rezultuan të ishin një gënjeshtër e madhe”.

“Një gjyqtar nuk lejohet të bëjë komente pas ndeshjes në lidhje me vendimet që ka marrë”, u përgjigj Marciniak për median polake Przeglad Sportoëy Onet dhe Mundo Deportivo. /Telegrafi/