Barcelona ka vetëm dy javë kohë që të kompletojë objektivin për shitjen e tre lojtarëve të ekipit të parë.

Blaugranasit janë duke provuar të zbresin pagat që pas largimit të Lionel Messit.

Edhe largimi i argjentinasit ishte si pasojë e pagave të larta mujore të lojtarëve kryesorë.

Sipas Diario AS, Barcelona është duke provuar të shesë Samuel Umtitin, Martin Braithwaite dhe Miralem Pjanic.

Në çështjen e Umtitit, nuk dëshiron largimin vetëm te një skuadër që do garojë për titull, andaj opsionet e katalunasve janë të limituara.

Ndërsa, Braithwaite preferon të qëndrojë dhe është duke bërë punë të shkëlqyer, sidomos në ndeshjen e fundit ku shënoi dy gola ndaj Real Sociedadit.

Ndërkohë, Pjanic e do largimin, por Barcelona e ka të vështirë ta huazojë diku mesfushorin, ngase nuk ka shumë klube të interesuara.