Google ADS

Genc Nuza me shokë do të gjykojnë në ndeshjen e Ligës së Kampionëve

19:31 | 5 Korrik 2021

Ndeshja mes Dinamo Zagreb dhe Valur e vlefshme për rrethin e parë eliminator të Ligës së Kampionëve, do të gjykohet nga gjyqtarët e Kosovës.

Gjyqtarit më të mirë ndër vite në Kosovë, Genc Nuzës, i është besuar një ndeshje e Ligës së Kampionëve.

Nuza do të drejtojë ndeshjen Dinamo Zagreb – Valur, që është hera e parë për gjyqtarët tonë që drejtojnë ndeshje në këtë garë të madhe.

Gjyqtari prishtinas do të asistohet nga Fatlum Berisha dhe Bujar Selimaj, ndërsa gjyqtar i katërt do të jetë Dardan Çaka.

Një lajm shumë pozitiv për futbollin e Kosovës, pasi edhe gjyqtarët tanë sikurse klubet kanë filluar të ngritin nivelin në futbollin evropian.

Nuza më parë ka drejtuar edhe ndeshje të tjera të karakterit ndërkombëtarë, duke treguar sukses në punën e tij.  /Telegrafi/

 

 

Shpërndaje në rrjete sociale

Lajmet më të lexuara

Të ngjashme

Foto lajm