Kosova dhe Danimarka kanë publikuar formacionet e tyre zyrtare për ndeshjen miqësore mbrëmjen e sotme (e enjte).

Takimi mes dy skuadrave kombëtare zhvillohet në stadiumin “Fadil Vokrri” para takimit tjetër tejet të rëndësishëm kundër Bullgarisë në fillim të javës, shkruan portali arbresh.info.

Trajneri i kombëtares sonë Bernard Challandes ka bërë disa ndryshime, por linja frontale e Kosovës është e jashtëzakonshme dhe përbëhet nga Vedat Muriqi si sulmues qendror dhe yjet e tjerë si Milot Rashica Bersant Celina dhe Arbër Zeneli.

Në portë gjendet Arjanet Murici që është portieri i kampionit në fuqi të Premierë Ligës – Manchester City.

Ndërsa në repartin e mbrojtjes janë Mërgim Vojvoda në kraun e majtë, Amir Rrahmani dhe Fidan Aliti si qendërmbrojtës dhe në krahun e djathtë Leart Paqarada.

Besar Halimi dhe Herolind Shala e përmbyllin në repartin e mesfushës njëmbëdhjetshen startuese nga Challandes.

Takimi mes dy skuadrave kombëtare fillon në ora 19:00./arbresh.info/