E çuditshme/ Prishtina përfundon në disiplinore, shkaku i një të dehuri

19:15 | 5 Maj 2025
D.H

Prishtina të shtunën mbrëma ka fituar ndaj Ballkanit me rezultat 1-0 në stadiumin “Fadil Vokrri”, në kuadër të xhiros së 32-të në elitën e futbollit kosovar.

Pas ndeshjes ka ndodhur një situatë e çuditshme, pasi Prishtina ka përfunduar në disiplinore shkak i një të dehuri, shkruan Arbresh.info.

Klubi kryeqytetas po ‘hetohet’ për lëshim në organizimin e ndeshjes dhe madje mund të dënohet, bëhet e ditur nga Komisioni Disiplinor i Federatës së Futbollit të Kosovës.

Në arsyetimin e Komisionit për Prishtinën thuhet se pas përfundimit të ndeshjes kundër Ballkanit, të luajtur në “Fadil Vokrri” në fundjavë, “një person i paautorizuar (i afërm me kryesinë e klubit) në gjendje të dehur hyn në lokalet zyrtare dhe shan, ofendon dhe kërcënon personat zyrtarë të mysafirëve për çka bëhet tollovi mirëpo me intervenimin e policisë evitohet më e keqja”./Arbresh.info