Dybala flet për luftën me koronavirusin: Mezi merrja frymë

19:11 | 27 Mars 2020
Arbresh.info

Ylli i Juventus, Paulo Dybala, ka treguar disa detaje nga ajo se si u përball me Covid19.

Dybala ishte në mesin e lojtarëve të Juventus që u konfirmuan pozitiv në testet e Covid.

Jeta për argjentinasin duket të mos ketë qenë e lehtë këto ditë, me lojtarin që zbuloi se kishte vështirësi edhe në frymëmarrje.

“Kisha simptoma të forta, por sot ndihem shumë më mirë. Tani mund të eci më mirë, madje po provoj të stërvitem” ka thënë Dybala, transmeton lajmi.net.

“Mezi merrja frymë, nuk mund të bëja asgjë pas pesë minutave. Ndjeja dhimbje në muskuj. Për fat të mirë, Oriana dhe unë jemi më mirë tani” ka shtuar argjentinasi.

Dybala kishte rezultuar pozitiv në Covid19, së bashku me të dashurën e tij, Oriana.