Drita ka shënuar fitore të madhe ndaj Gjilanit në derbin e qytetit në kuadër të xhiros së 26-të në Superligën e Kosovës në futboll.

Skuadra e Ramadanit “turpëroi” të Gjilanin duke e mposhtur me rezultat 4-0, shkruan Arbresh.info.

Nisja ishte fantastike nga bardhekaltërit të cilët shënuan në minutën e 12-të përmes Almir Ajzerajt.

Pesë minuta më vonë, kapiteni Rron Broja shënoi për ta dyfishuar rezultatin. Drita nuk ndali dhe sulmit dhe shtatë minuta pas golit të dytë u realizua edhe ai i tretë me anë të Babalijas.

Gjilani shënoi për 3-1, mirëpo goli u anulua nga VAR-i. Tre minuta para fundit të pjesës së parë Arb Manaj realizoi edhe golin e katërt për Dritën.

Pjesa e dytë ishte më e qetë dhe pa gola. Në fakt, “Intelektualët” realizuan edhe një gol në minutën e fundit të kohës së rregullt mirëpo u anulua.

Me këtë fitore, Drita tashmë ka 57 pikë kurse Gjilani mbetet i katërti me 35 sosh./Arbresh.info