Borussia Dortmund ka arkëtuar pikët e plota në shtëpi ndaj Greuther Furth, në kuadër të xhiros së 16-të në Bundesliga.

“Verdhëzinjtë” triumfuan me rezultat komod 3 – 0.

Ylli i skuadrës gjermane ishte Erling Haaland që realizoi dy gola. Me nga një gol në secilën pjesë dhe një të vonshëm nga Malen, ishte mjaftueshëm për Dortmundin t’i arkëtojnë pikët e plota.

Fillimisht, Thorgan Hazard realizoi, por pastaj goli u anulua për pozitë jashtë loje në minutën e 21-të.

Ndërsa, 12 minuta më vonë, ishte sulmuesi Erling Haaland që realizoi nga pika e bardhë.

Norvegjezi doli sërish në skenë në fundin e ndeshjes, duke shënuar golin e dytë pas një asistimi të Brandt në minutën e 82-të.

Shtatë minuta më vonë, Donyell Malen vulosi fitoren e vendasve me një gol të bukur pas asistimit të Brandt në minutën e 89-të.

Dortmund vazhdon tani me ndjekjen e kreut duke u renditur në pozitën e dytë me 34 pikë, gjashtë pikë prapa Bayernit, derisa Furth qëndron në fund me katër sosh.