Bosnja dhe Hercegovina ka arritur një sukses të jashtëzakonshëm duke u kualifikuar në play-off të Kampionatit Evropian.

Të udhëhequr nga trajneri i skuadrës kosovare Trepça, Adis Beciragic ata mposhtën Gjoergjinë në ndeshjen vendimtare për kualifikim, shkruan Arbresh.info.

Boshnjakët triumfuan 84-76, falë një paraqitje të shkëlqyer të dyshes Nurkic e Roberson që realizuan nga 15 pikë secili.

Kjo ishte fitorja e tretë e Bosnjës, pasi mposhtën edhe Greqinë e Qipron.

Njëri nga më meritorët e këtij suksesi është edhe trajneri Beciragic i cili ka bërë një punë të jashtëzakonshme në kombëtare.

Bosnja këtë sukses e arriti në një grup shumë të vështirë me kombëtare të forta si Greqia, Spanja e Italia.

Pas pesë ndeshjeve, bosnjakët kanë tri fitore e dy humbje në grupin C, teksa Gjeorgjia eliminohet pas dy fitore e tri humbjeve.

Pas këtij suksesi nuk ka munguar as urimi i Trepçës për trajnerin e tyre. Klubi mitrovicas përmes një postimi në Facebook ka shkruar për suksesin e Adisit.

“Klubi ynë, me respekt të veçantë, uron mjeshtrin Adis Beçiragiç për triumfin e madh dhe kalimin e grupit me Bosnjen në Evropian!”, shkruhet në postimin e klubit.

Kujtojmë se me ardhjen e Adis Beciragicit në Trepçë, mitrovicasit i kanë fituar të gjithë trofetë e mundshëm në basketbollin kosovar, madje edhe debutuan në garat evropiane./Arbresh.info