Hector Bellerin është në dyshim nëse do të vazhdoj të luaj për Arsenalin edhe për vitet e ardhshme.

Mbrojtësi spanjoll ka qenë i lënduar ku ka humbur 20 ndeshje të Ligës Premier, ndërsa ka startuar në vetëm shtatë prej tyre.

Arsenali po i beson talentit të tyre Maitland-Niles për pozitën e mbrojtësit të djathtë dhe mund ta shesin spanjollin në verë.

25-vjeçari që gjashtë vite luan rregullisht si startues në ekipin e parë ka ngjallur interesimin e tri skuadrave.

Antonio Conte e vlerëson shumë lojtarin dhe ka kërkuar transferimin e tij te Interi.

Por për Bellerin mund të ketë një rikthim në vendlindje, ku Atletico Madrid dhe Sevilla kanë shprehur interesim.

Reprezentuesi spanjoll ka kontratë me Arsenalin deri në verën e vitit 2023, ndërsa mund të largohet nga Londra për një shumë prej 35 milionë euro. /Telegrafi/