Bayern këndellet pas humbjes nga Barcelona, deklason Bochumin në Bundesligë

17:38 | 27 Tetor 2024
D.H

Bayern Munich ka arritur të mposht Bochumin me rezultat 0-5 në udhëtim në xhiron e tetë në Bundesligë.

Bavarezët janë këndellur nga humbja e ‘turpshme” nga Barcelona në mesjavë dhe arritën të deklasojnë skuadrën e fundit në tabelë, shkruan Arbresh.info.

Ishte Olise i cili shënoi golin e parë në këtë sfidë në minutën e 16-të, kurse dhjetë minuta më vonë, Musiala dyfishoi epërsinë.

Ndërkohë tre golat e tjerë u realizuan në pjesën e dytë, me Harry Kane i cili shënoi nga pika e bardhë e penalltisë në minutën e 57-të.

Leroy Sane shënoi golin e katërt tetë minuta më vonë, kurse për epilogun final 0-5 u përkujdes, Kingsley Coman i cili realizoi në minutën e 71-të.

Me këtë fitore Bayerni është në kuotën e 20 pikëve dhe prinë në tabelë së bashku me Leipzigun që ka po aq pikë, mirëpo golavarazhi është më i mirë i bavarezëve./Arbresh.info