Zjarr në një apartament në Shkodër, shpëtohen dy të moshuar

09:27 | 29 Nëntor 2025
E.K

Një zjarr ka shpërthyer mbrëmjen e djeshme në një apartament në rrugën “Isuf Sokoli” në Shkodër, duke vënë në alarm banorët e zonës.

Sipas raportimeve, flakët kanë përfshirë një banesë në katin e tretë të një pallati, ndërsa brenda ndodheshin dy të moshuar, të cilët fatmirësisht janë evakuuar në kohë dhe nuk kanë pësuar lëndime.

Forcat zjarrfikëse ndërhynë menjëherë për të izoluar vatrën e zjarrit, ndërsa policia siguroi perimetrin për të shmangur rrezikimin e banorëve të tjerë. Për shkak të situatës, OSHEE detyroi ndërprerjen e energjisë elektrike në gjithë zonën deri në stabilizimin e plotë të ngjarjes.

Shkaqet e zjarrit mbeten ende të paqarta. Grupi hetimor po punon për të përcaktuar rrethanat e incidentit./euronews.al