Sali Berisha feston 79-vjetorin e lindjes: Ndihem i motivuar dhe besimplotë në rrugën tonë

12:33 | 15 Tetor 2023
E.H

Ish-kryeministri i Shqipërisë, Sali Berisha sot feston 79-vjetorin e lindjes.

Më anë të një video-mesazhi të publikuar në rrjetin social Facebook, Berisha i falënderoi familjarët, miqtë dhe bashkëpunëtorët, të cilët sipas tij e kanë motivuar në rrugëtimin e tij, shkruan Arbresh.info.

“Sot jam 79 vjeç. Nis kështu që vit tjetër në vjeshtën e bukur të jetës sime. Lavdi Zotit ndihem i motivuar dhe besimplotë në rrugën tonë njëlloj si në fillimet e saj. Mirënjohje të pafundme Lilit, fëmijëve, familjarëve të mi që kanë sakrifikuar pa fund për mua. Mirënjohje të pakufishme, miqve, shokëve, bashkëpunëtorëve, mbështetësve që me miqësinë, bashkëpunimin, ndihmë e tyre fort të çmuar shndërruan në numra vitet e jetës sime”, shprehet Berisha.