Pogradeci fillon zbatimin e projektit të rëndësishëm, pas zgjedhjeve vendore

16:46 | 9 Shkurt 2019
A. B.

Pogradeci një nga bashkitë që tashmë e drejtojnë demokratët do të jetë një nga sfidat e PS-së në zgjedhjet e qershorit të këtij viti.

Kryeminstri Edi Rama gjatë prezantimit të projektit ‘100 fshatra” u shpreh se nuk është lënë pas dore edhe pse është e opozitës.

“Rruga e hyrjes në Pogradec është shprehje e angazhimit të qeverisë dhe projektet presin fundin e qershorit të marrin fuqinë e domosdoshme ekzekutive të një sinergjie të re mes qeverisë dhe pushtetit vendor. Së shpejti do të rikthehemi jo më për të prezantuar projektet por për të nisur realizimin konkret të tyre sipas pikave që do të përcaktohen si pikënisje e këtij programi në të gjithë fshatrat. Tushemishti do të jetyë një pjesë e rëndësishme e projektit të investimeve.’ tha Rama.