PD letër Kuvendit: Meta s’duhet ta drejtojë Këshillin për Mark Frrokun

17:59 | 30 Mars 2015
M. A.

Partia Demokratike i kërkon Kuvendit të Shqipërisë që të përjashtojë Ilir Metën nga e drejta për të kryesuar nesër Këshillin e Mandateve dhe të Rregullores, që do të mblidhet për të shqyrtuar kërkesën e Prokurorisë për arrestimin e deputetit Mark Frroku (këtë herë për akuzat nga shteti belg).

Sipas PD-së, Ilir Meta bie në konflikt të hapur interesi për faktin se Mark Frroku cilësohet si dëshmitar kyç në çështjen aq shumë të përfolur, të ‘atentatit’ Doshi-Meta.

Sipas deputetit të opozitës Eduard Halimi, Partia Demokratike përsërit qëndrimin e saj koherent gjatë 10 viteve të fundit, se për PD për deputetet e saj është e paimagjinueshme të pengojë ecurinë e kërkesës së prokurorisë për të zhvilluar hetime ndaj çdo deputeti./arbresh.info/