Ministri i Punëve të Brendshme të Shqipërisë, Ervin Hoxha ka njoftuar se në zbatim të ligjit të ri për Policinë e Shtetit, është hapur konkursi për drejtuesin më të lartë të policisë.

“Në zbatim të ligjit të ri për Policinë e Shtetit, hapet konkursi për drejtuesin më të lartë të policisë, që do të pasohet menjëherë nga procesi ligjor dhe meritokratik i ripërtëritjes së të gjithë skuadrës së drejtuesve të lartë të Policisë së Shtetit”, thekson Hoxha.

Muhamet Rrumbullaku ka dhënë dorëheqjen nga detyra e Drejtorit të Përgjithshëm të Policisë së Shtetit.

Drejtori i Përgjithshëm i Policisë së Shtetit i ka dorëzuar Ministrit të Brendshëm, Ervin Hoxha dorëheqjen, duke i hapur rrugë hapjes së garës për kreun e ri të bluve.

Kompetencat e kryepolicit i janë deleguar zv.drejtorit Sokol Bizhga, deri në zgjedhjen e drejtuesit të ri me garë, në bazë të ligjit të ri.

LEXO EDHE:

Jep dorëheqjen drejtori i Policisë së Shtetit, Muhamet Rrumbullaku