Dita Ndërkombëtare e Demokracisë, Begaj takon përfaqësues të organizatave jofitimprurëse

14:40 | 15 Shtator 2023
K.B

Presidenti i Shqipërisë, Bajram Begaj në Ditën Ndërkombëtare të Demokracisë ka takuar disa përfaqësues të disa organizatave jofitimprurëse që veprojnë në fushën e demokracisë dhe të drejtave të njeriut.

Presidenti shqiptar bëri të ditur se në takim kanë diskutuar për sfidat aktuale të demokracisë shqiptare.

“Sot në Ditën Ndërkombëtare të Demokracisë takova përfaqësues të disa organizatave jofitimprurëse që veprojnë në fushën e demokracisë dhe të drejtave të njeriut. Diskutuam mbi sfidat aktuale të demokracisë shqiptare dhe sesi Institucioni i Presidentit mund të bashkëpunojë me përfaqësuesit e qytetarëve aktivistë për ta mbrojtur e përforcuar atë”, ka shkruar Begaj./Arbresh.info/