Ish-kryeministri i Shqipërisë, Sali Berisha ka paralajmëruar se këtë të enjte do të nisa qëndresa e tyre brenda parlamentit dhe nga kjo javë nuk do të ndalet më.

Sipas tij një opozitë që pranon të shtypet, e meriton shtypjen dhe për këtë arsye kjo gjendje nuk mund të vazhdojë më gjatë.

Berisha tha se mund të ishin ngritur dhe më parë, por proceset ishin të tilla që nuk mund t’i injoronin.

“Se tani kanë dalë të qarta të gjitha operacionet që ai ka bërë me paratë e taksapaguesve shqiptarë kundër opozitës. Të gjitha kurthet ndërkombëtarë që ka organizuar kundër saj. Të gjitha proceset gjyqësore që ka organizuar kundër saj. Të gjitha dhunimet elektorale që ai ka bërë.

Dhe në këtë rast, unë dua t’u informoj ju dhe të gjithë demokratët se qëndresa do të fillojë nga parlamenti. 43 deputetët e PD nisin ditën e enjte, qëndresën e tyre në parlament. Nuk ka më nënshtrime dhe poshtërime nga një horr, nga një kriminel, nga një njeri i cili nuk ka asnjë parim, nga një njeri që është i gatshëm të shesë dhe blejë gjithçka për pushtetin e tij,” – deklaroi Berisha i cili tha se nuk bëhet fjalë për një betejë të lehtë, por që patjetër mund të fitohet./euronews.al