Begaj për zjarrin në Koçan: I tronditur nga humbja e jetëve të reja dhe lëndimi i shumë të tjerëve

11:18 | 16 Mars 2025
E.G

Presidenti i Shqipërisë, Bajram Begaj ka shprehur ngushëllimet në lidhje me tragjedinë me mbi 50 viktima në Koçan të Maqedonisë së Veritu.

Me anë të një postimi në “X”, ai tha se lutjet e tij dhe popullit shqiptar shkojnë për të lënduarit, që të gjejnë shërim të shpejtë e të mos rëndojë më shumë dhimbja në qytetin e Koçanit, shkruan Arbresh.info.

“I tronditur nga tragjedia e ndodhur, nga humbja e jetëve të reja dhe lëndimi i shumë të tjerëve nga zjarri i rënë në një diskotekë në qytetin Koçan të Maqedonisë së Veriut. Ngushëllimet e mia të sinqerta shkojnë për familjarët që humbën të afërmit e tyre dhe për të gjithë popullin fqinj të Maqedonisë së Veriut. Lutjet e mia dhe të popullit shqiptar shkojnë për të lënduarit, që të gjejnë shërim të shpejtë e të mos rëndojë më shumë dhimbja në qytetin e Koçanit”, ka shkruar Begaj në “X”.