Google ADS

Balluku merr pjesë në konferencën për Sigurinë Kibernetike në Tiranë, prezanton hapat e ndërmarra të Qeverisë së Shqipërisë

16:59 | 9 Korrik 2024
E.H

Zëvendëskryeministrja e Shiqpërisë, njëherësh edhe ministrja e Infrastrukturës dhe Energjetikës, Belinda Balluku ka marr pjesë në konferencën e nivelit të lartë për Sigurinë Kibernetike në Ballkanin Perëndimorë, që është organizuar në Tiranë.

Balluku ka prezantuar para pjesëmarrësve hapat që Qeveria e Shqipërisë ka ndërmarr kundër sulmeve kibernetike.

“Me Majlinda Bregu , drejtuesen e RCC, në Konferencën e Nivelit të Lartë për Sigurinë Kibernetike në Ballkanin Perëndimor, organizuar në Tiranë, ku prezantova të gjitha hapat që Qeveria Shqiptare ka ndërmarrë, ligjore dhe teknike, për forcimin e sigurisë kibernetike, por edhe nevojën për një bashkëpunim edhe më të gjerë mes të gjitha vendeve për të qenë sa më të mbrojtur ndaj sulmeve dashakeqëse. Shkëmbimi i eksperiencave dhe njohurive mbeten elementë të rëndësishëm për të pasur sukses në këtë betejë. Siguria kibernetike kërkon angazhimin dhe bashkëpunimin e të gjithëve”, ka shkruar Balluku në Facebook./Arbresh.info

Shpërndaje në rrjete sociale