Nga shtatori i vitit 2023 janë arrestuar 1 mijë e 100 persona nga operacioni “Tempulli”.

Kështu bëri të ditur ministri i Punëve të Brendshme të Shqipërisë, Taulant Balla.

“Paketa e sigurisë në shkollavijon çdo ditë me rezultate të mirëpriturq në favor të jetës dhe shëndetit të nxënësve dhe të të rinjve. Prej shtatori 2023, “Tempulli” ka rezultat: 1100 persona të arrestuar/të proceduar në tentativë për shitje të lëndëve narkotike”, bëri të ditur Balla.

Ai tha se janë sekuestruar rreth 1600 kg kanabis, mbi 18 kg kokainë, 12 kg heroinë etj.

“ Përgëzime Policisë dhe Prokurorisë Tiranë për goditjet e sistematike të tentativave për futje të lëndëve narkotike nga jashtë vendit përmes postës. Do të bëjmë gjithçka të përmbushim pritshmërintë e prindërve dhe gjyshërve që tempulli i dijes, shkolla, të mbetet e sigurtë dhe mos të lejojmë depërtimin e fenomeneve negative që cenojnë jetën dhe shëndetin e tyre”, shkruan Balla në Facebook./Arbresh.info/