Dua Lipa flet për lidhjen me Anwar, tregon si ndihet me të

16:40 | 15 Janar 2021

Dua Lipa ndjehet më komode se kurrë me të dashurin e saj Anwar Hadid.

Këngëtarja 25-vjeçare, dhe modeli, 21 vjeçar, u bashkuan në qershor të vitit 2019 dhe ai është vëllai i vogël i supermodeleve Gigi dhe Bella Hadid, shkruan DailyMail.

Para kësaj lidhje, Dua ishte në një lidhje me Isaac Carew, 34 vjeç, ata u bashkuan në vitin 2013 por marrëdhënia e tyre përfundoi në vitin 2019.

Duke folur për romancën e saj me Anwarin për revistën ‘Rolling Stone’, ylli tha: “Unë jam shumë komode në këtë marrëdhënie, më shumë se çdo herë tjetër”.

Dua, gjithashtu diskutoi se si çifti kaloi një pjesë të vitit 2020, i izoluar në fermën familjare të Anwarit në Pensilvani.

Këngëtarja pranoi se e donte ritmin e qetë të jetës dhe gjithashtu shfrytëzoi rastin për të përmirësuar aftësitë e saj në kalërim.

Interpretuesja e hitit “One Kiss” gjithashtu foli për të dashurin Anwar në një intervistë të fundit për “British Vogue”, duke thënë se ajo përpiqet të ekuilibrojë ‘të qenit kaq e ngazëllyer dhe e dashuruar’, duke e mbajtur romancën e tyre private.

Shpërndaje në rrjete sociale

Lajmet më të lexuara