Disa studime të mëhershme kanë theksuar se moti i nxehtë mund të ndikojë në parandalimin e përhapjes së virusit Covid-19.

Por, një studim i fundit i kryer nga shkencëtarët e Universitetit Princeton kanë ardhur në përfundim se temperaturat e ngorhta në hemisferën veriore nuk kanë asnjë ndikim në pandeminë e koronavirusit, transmeton portal arbresh.info

Këto janë të dhënat paraprake dhe lidhja e motit të ngrohtë dhe Covid-19 është ende e panjohur.

Studimi nga Princeton, botuar në revistën Science, nuk e përjashton këtë lidhje, por përfundon se ndikimi i klimës në përhapjen e virusit është “modest”.

“Gjetjet tona tregojnë se, pa masa kontrolluese me ndikim, virusi do të vazhdojë të përhapet edhe gjatë motit të ngrohtë dhe të lagësht. Moti i nxehtë nuk do të frenojë paneminë”, thuhet në studim.

“Ne parashikojmë që klimat e lagura dhe të ngrohta nuk do të ngadalësojnë virusin në fazën e parë,” tha Rachel Baker nga Princeton.

Megjithëse ndikimet klimatike, veçanërisht lagështia, luajnë një rol në përhapjen e koronavirusit dhe gripave të tjerë, autorët thonë se në këtë rast mungesa e imunitetit të përhapur ndaj Covid-10 është më e rëndëishme.

“Ne vërejmë një ndikim të caktuar të klimës në mbizotërimin dhe” kohën “e pandemisë, por në përgjithësi, virusi do të vazhdojë të përhapet sepse nuk ka imunitet të mjaftueshëm midis popullatës,” shpjegoi Baker.

Studimi thekson se vendet e tilla si Brazili, Ekuadori apo Australia, ku moti është i ngrohtë, patën një numër të madh të prekurish me Covid-19.

Sipas studimit, klima nuk ka ndonjë ndikim në përhapjen e sëmundjes./arbresh.info/