Shpresë e madhe është shfaqur për miliona persona që vuajnë nga aknet, pasi një studim i realizuar së fundmi ka treguar se ky problem mund të jetë gjenetik.

Në testimet e para të realizuara ndonjëherë, hulumtuesit kanë analizuar ADN-në e më shumë se 36,700 personave, duke përfshirë edhe mijëra persona që vuajnë nga aknet.

Rezultatet kanë treguar se kishte variacione të theksuara gjenetike në mes të personave që kishin akne dhe atyre që kishin lëkurë të pastër.

Gjenet që kontrollojnë folikulat e flokëve besohet që luajnë rol kritik në nxitjen e kësaj sëmundje.

Hulumtuesit e kanë vlerësuar këtë studim si një hap të madh para dhe shpresojnë se mund të çojë në zhvillimin e tretmaneve më efektive.