Sheqerinska: Nëse dikush nuk e respekton karantinën në shtëpi, shteti do të ndërmerr masa

15:43 | 19 Mars 2020
Arbresh.info

Ministrja e Mbrojtjes, Radmilla Sheqerinska në intervistë për ‘Utrinski brifing’ thotë se është një problem i madh që qytetarët të Maqedonisë kërkojnë të hynë në shtet, nënshkruajnë deklarata për vetëizolim, por kur vinë në shtëpi fillojnë të dalin.

Sipas saj, pikërisht kjo është një nga rreziqet e mëdha për shkak se pjesa më e madhe e mërgimtarëve nga Maqedonia vinë nga vendet me rrezik të lartë siç janë Italia, Gjermani dhe Zvicra, përcjell Telegrafi Maqedoni.

“Është sjellje e papërgjegjshme dhe kundër ligjit. Nëse qytetarët nuk i respektojnë masat, ne do të ndërmarrim masa më të rrepta. Nëse dikush nuk e respekton karantinën në shtëpi, shteti duhet të ndërmerr masa”, theksoi Sheqerinska.

në lidhje me masat që shteti i ndërmerr për parandalimin e coronavirusit, Sheqerinska tha se Qeveria po përgatitet edhe për një skenar ku ka shumë të sëmurë.