Ad Banner
Ad Banner
Ad Banner
Ad Banner

Policia në kërkim të personit që mbante ujk të egër në Shkup, rrezikon gjobë deri në 20 mijë euro

21:56 | 14 Maj 2026
E.H

Policia në Shkup ka nisur kërkimet për identifikimin e personit që dyshohet se ka mbajtur një ujk në kushte të paligjshme, i cili u gjet së fundmi në zonën e Kozles.

Sipas Ministrisë së Punëve të Brendshme, njësitë policore po ndërmarrin masa për të përcaktuar lokacionin dhe identitetin e personit përgjegjës për mbajtjen e kafshës së egër në robëri.

Autoritetet theksojnë se mbajtja e kafshëve të egra pa leje përkatëse përbën shkelje të ligjit dhe mund të ndëshkohet me gjoba që arrijnë deri në 20.000 euro.

Ndërkohë, nga Kopshti Zoologjik i Shkupit është bërë e ditur se ujku i gjetur është i ri dhe në gjendje të dobët shëndetësore, me peshë rreth 25 kilogramë.

Rasti po trajtohet nga institucionet kompetente, ndërsa hetimet për identifikimin e personit vazhdojnë.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm