Prej të hënës rënie e temperaturave në Maqedoni

10:05 | 16 Prill 2017

Rënie e temperaturave për pesë deri gjashtë gradë pritet nga sot në mbrëmje, kur Maqedoninë do ta kaplojë një valë e lagësht, e shoqëruar me reshje të rrëmbyeshme të shiut, bubullima dhe erë të përforcuar veriore.

Siç informoi DPHM, ndryshimi i motit do të fillojë nesër pasdite dhe në orët e mbrëmjes kur, vende-vende pritet të bien edhe mbi 25 litra në metër katror.

Reshje të rrëmbyeshme dhe bubullima priten posaçërisht në pjesët veriperëndimore dhe lindore të vendit.

Edhe të hënën do të ketë reshje të kohëpaskohshme të shiut, më së shumti paradite. Nga fundi i ditës dhe natës drejt të martës vranësirat do të zvogëlohen, por do të mbi qëndroj mot me erë dhe më i freskët. Temperaturat e mëngjesit të martën dhe të premten e javës së ardhshme diku-diku do të bijnë edhe nën zero, ndërsa maksimalet do të lëvizin prej 17 deri 20 gradë.

 

Shpërndaje në rrjete sociale

Lajmet më të lexuara