Pas miratimit të ligjit për azil, emigrantët braktisën Maqedoninë

16:01 | 24 Qershor 2015
M. A.

Miratimi i ligjit për emigrantë pasoi me largimin e menjëhershëm të emigrantëve nga Maqedonia. Ata në mundësinë e parë për të vazhduar rrugën më tej drejtë Bashkimit Evropian, braktisën rrugët e Maqedonisë.

Emigrantë nuk vërehen as në xhaminë e qytetit të Kumanovës ku disa ditë resht ishin strehuar aty, por as edhe në stacionin hekurudhor, raporton korrespodenti i Grupit Koha në Maqedoni.

Ndërkohë autoritetet shëndetësore maqedonase kanë njoftuar se kanë kryer dezinfektimin e vendeve ku kanë qëndruar emigrantët, transmeton Koha.net.

Megjithatë, zyrtarë të Hekurudhave në Tabanoc njoftojnë se gjatë orëve të vonshme të mbrëmjes presin një valë të re emigrantësh të cilët një ditë më parë kanë zbarkuar në Gjevgjeli, prej ku përmes rrjetit hekurudhor pritet të transportohen drejtë Tabanocit, gjegjësisht vendkalimit kufitar me Serbinë.