Përfaqësuesja e Lartë e Bashkimit Evropian për Politikë të Jashtme dhe Siguri Federica Mogherini, sot do ta vizitojë Shqipërinë dhe Serbinë, kurse, turneun në shtet e Ballkanit, ajo do ta përfundojnë nesër në Kosovë.

Vizita e saj në Kosovë, ishte paraparë të zhvillohet të premten, por është shtyrë për një ditë. Mogherini ka Kosovën të fundit në listën e vizitave në shtetet e Ballkanit.

Siç bëhet e ditur në faqen zyrtare të Bashkimit Evropian, ajo do të vizitojë edhe qytetin e ndarë të Mitrovicës.

Gjatë qëndrimit në Kosovë, politikania italiane do të takohet me presidentin Hashim Thaçi, kryeministrin Isa Mustafa, si dhe kryeparlamentarin Kadri Veseli.

Përndryshe, turneun e filloi në Mal të Zi, pastaj vazhdoi në Bosnjë, ku qëndrojë më 2 mars, pastaj në Serbi dhe Shqipëri, pasi që të dy vendet do t’i vizitojë në të njëjtën ditë, me 3 mars.