Google ADS

Me akademi solemne përfundon edicioni i 21-të “Ditët e Shën Terezës”

11:05 | 5 Shtator 2020
Arbresh.info

Shoqata qytetare “Shkupjania Nëna Terezë” sonte me fillim nga ora 19:00 në amfiteatrin para Shtëpisë – përkujtimore të Shën Terezës në Shkup do të organizojë akademi solemne me çka edhe do të përfundojë zyrtarisht manifestimi i 21-të tradicional “Ditët e Shën Terezës”, e cila këtë vit është nën shenjën e 110 vjetorit të lindjes së saj.

Në akademinë, e cila mbahet në ditën e prehjes së Shën Terezës, humanistë dhe shoqata të shquara do të shpërblehen me letrat tradicionale për humanizëm dhe statuja me imazhin e Shën Nënës Terezë.

Fituesit e këtij viti janë: Ministria e Shëndetësisë e Republikës së Maqedonisë së Veriut, Klinika e sëmundjeve infektive pranë Qendrës klinike “Nënë Tereza” – Shkup, Spitali i përgjithshëm i Qytetit “8 Shtatori”, Klinika e fëmijëve Kozle, nënkryetari i Shkupit, Enver Maliqi, IDKNA – departamenti për Gonxhe Bojaxhiun – Nënë Tereza, Atixhe Muratovska – aktorja kryesore në filmin “Toka e mjaltë” dhe Jane Vellkovski – humanist./ts

Shpërndaje në rrjete sociale

Lajmet më të lexuara

Të ngjashme

Foto lajm